مواقف مضحكه نسويها مدري ليش..
بصراحه في حركــــات غبيـــه نسويها في حياتنا اليوميه
واحنا ندري انها غبيه ومع ذلك نسويها ليييييييش؟؟ مادري!!
المهم مابطول عليكم..... بتعرفوهاا بنفسكم
* ليش اذا كانت بطارية الريموت كنترول ضعيفه
نضغط بقوووووه على الأزرار,,أو نجلس ندقدق الريموت؟؟؟؟
>>يعني يدي بتشحن البطاريه!!
*ليش نقصر على صوت المسجل أو الراديو
في السيارة اذا ضيعنا الطريق؟؟؟
>>يعني كذا راح يعرف الطريق !!
*ليش اذا شفنا على الجدار:
احترس من الدهان؟...مانصدق ونجرب بأصابعنا..
>> يعني لازم يحلفوا!!
*ليش اذا تأخر المصعد نضغط على الزر مية مرة؟؟؟
>>يعني كذا بيستحي على دمه وبيفتح!!
*ليش اذا نشرب البيبسي او الديو ونخلصه نهز القوطي؟؟
>>يعني متحسفين على اللي بقى!!
*ليش اذا نكون جالسين بمكان عام ونسمع رنة مسج ولارنة موبايل
على طووووول نشوف موبايلنا؟؟
>>ليش حضرتك مهم لهالدرجه علشان يرن بين هالبشر كلها !!
*ليش اذا لعبنا بلاي ستيشن (لعبة سيارات) نلف مع السيارة
اذا تحرك يمين ويسار؟؟
>>الاخ على باله هو السيارة!!!
*وليه إذا جينا نشكر واحد على موضوع حطه بالمنتدى نمد الحروف ونكتب
مشكوووووووووووووووووووووووووووووووووووووووور
>>يكون شكرناه من القلب يعني ؟؟!!
ههههههههههههههه
